Giella: Norsk Bokmål
Duopmostuolus leat riektebáikkit Deanus ja Čáhcesullos. Dan ođđa riektebiirii gullet gielddat Deatnu, Guovdageaidnu, Kárášjohka, Unjárga, Mátta-Várjjat, Bearralváhki, Báhcavuotna, Gáŋgaviika, Davvesiida, Čáhcesuolu ja Várggát. Otne leat 7 duopmár jahkedoaimma ja olles bargoveahka lea oktiibuot 15,9 jahkedoaimma.
Duopmostuollojođiheaddji beassá válljet kántorbáikki, muhto eaktuduvvo ahte doalahat bargooktavuođa buot riektebáikkiin.
Duopmostuollojođiheaddjin lea dus ovddasvástádus doaimmahit ja ovddidit duopmostuolu. Ulbmil dainna ođđa organiseremiin duopmostuoluin, lea ávkkástallat duopmostuoluid oktasaš resurssaid buorebut, háhkat nana fágabirrasiid, seammás go buot riektebáikkit bisuhuvvojit.
Dat mearkkaša fágalaš ja hálddahuslaš hástalusat.
Guovddáš barggut
- Bajimuš stivrren -ja hálddahuslaš ovddasvástádus
- Bajimuš ovddasvástádus dubmendoaimmas ja áššemeannudeamis mat leat čatnon doaimmahussii
- Ovddasvástádus mihttuide ja bohtosiidda
- Jođihit ja ovdánahttit duopmostuolu strategalaš plána ektui
- Jođihit dálá nuppástuhttinbarggu ja váikkuhit duopmostuolu ja Norgga duopmostuoluid oktasaš kultuvrii.
- Čađahit duopmárbargguid
Mii ohcat jođiheaddji gii berošta jođiheamis. Dus ferte leat vuđolaš áddejupmi duopmostuolu bargguide, ovddidit riektesihkarvuođa ja suddjet riekteservvodaga, ja fuolahit duopmostuolu geavaheddjiidperspektiivva. Effektiviseren, digitaliseren, resurssageavaheapmi ja bohtosiid ollašuhttit, leat guovddážis duopmostuolu viidásat ovdánahttinbargguin.
Gelbbolašvuođagáibádus
Virgái gáibiduvvo juridihkalaš ámmáteksámen/universitehtagráda cand.jur dahje master riektediehtagis. Ohcci ferte leat norgga stádaboargár. Oppalaš dieđut ohcciide gávnnat www.domstol.no/innstillingsradet. Čujuhat erenoamážit Praksis/Policynotat, kap. 5, ”Lederkriterier i norske domstoler”.
Kandidáhtain mat evttohuvvojit gáibiduvvo buhtes bolesduođaštus. Virgái gáibiduvvo ahte kandidáhta sáhttá alimus dásis sihkarvuođadohkehuvvut.
Dus ferte leat jođihanhárjáneapmi ja buorre njálmmálaš ja čálalaš ovdánbuktinattáldat dárogielas ja eŋgelasgielas. Dus lea buorre áddejupmi iežat attáldagaide ja hástalusaide jođiheaddjin. Don hukset luohttámuša, leat čielggas, ja dus leat attáldagat ovddidit buori ovttasbarggu iežat mielbargiiguin. Don áddet makkár mearkkašupmi lea bargiid movttiidahttit ja mo searválagaid bargat ovddidit duopmostuoluid. Don áddet lága- ja šiehtadusvuogádaga bargoeallimis, dás maiddái bargobirrasa, bargoaddi stivrrenrievtti ja bargiid mielmearrideami birra. Dus lea beroštupmi daid vejolašvuođaide maid digitála vuogádat ja reaiddut addet bargoproseassa effektiviseremii, ja maiddái ahte dus lea máhttu ekonomiijastivremis.
Jođiheaddji gii nammaduvvo, sus galgá leat erenoamáš ovddasvástádus áimmahuššat sámi dimenšuvnna riektevuogádagas. Danin deattohuvvo ahte ohccis lea diehtu sámi gielas ja kultuvrras, dasa lassin gelbbolašvuohta sámi riektevierus ja riekteáddejumis.
Virggi bálká lea kr 1 408 000, bálká muddejuvvo jahkásaččat. Jahkásaččat addo kr. 80.000 lassin jođihit duopmostuolu máŋgga riektebáikkiin. Brutto bálkkás gesso 2 % Stáda Penšunkássii.
Eanet dieđuid virggi birra oaččut go válddát oktavuođa:
- Duopmáriid sisaváldinráđin, sundi Arnfinn Agnalt bokte, mobiila 917 70 156
- Duopmostuollohálddahusa ossodat direktevrrain Solveig Moen bokte, mobiila 404 14 414
Eanet dieđuid duopmostuoluid birra gávnnat www.domstol.no.
Jus du ohcamis boahtá ovdan ahte dáhtot ohcamuša konfidensiella láhkái meannuduvvot, de fuomášuhttit ahte dieđut ohcci birra sáhttet dahkot almmolažžan, váikke vel ohcci lea dáhton konfidensiealla meannudeami, bs. almmolašlága § 25.
Go ozat virgái www.jobbnorge.no bokte de mieđihat ahte sáhtit gieđahallat du persondieđuid. Dieđut geavahuvvojit dušše rekruterenoktavuođas. Du persondieđuid eat vurke guhkit go lea dárbu.
Ohcamuš oktan CV:n, oahppoduođaštusain ja eará duođaštusain sáddet elektrovnnalaččat liŋka bokte dán siiddus ”Søk denne stilling”. Buot duođaštusat ja oahppoduođaštusat biddjojit ovtta mildosii. Leage buorre ja almmut gos oidnet vuosttaš geardde virgealmmuhusa.
Ohcanáigemearri Njukčamánu 4.beaivve 2021
