Det er ledig seks verv som faste forsvararar ved Hordaland tingrett, rettsstad Bergen og Gulating lagmannsrett.
Åremåla er ledig frå tidlegast 1. september. Vervet som forsvarar er knytt til rettsstad Bergen.
Kvalifikasjonar og personlege eigenskapar
Vervet er personleg og omfattar plikt til å gå inn i turnusordninga for faste forsvararar ved Hordaland tingrett, også i ferieperiodar og laurdagar. Vervet som fast forsvarar skjer på åremål for 6 år, med moglegheit for ny oppnemning. Det gjeld ein gjensidig frist for oppseiing av vervet på 3 månader. Den øvre aldersgrensa for faste forsvararar er 70 år. Vervet er regulert ved Forskrift om faste forsvarere og bistandsadvokater (FOR-2011-03-04-251).
Det blir lagt vekt på relevant praksis, faglege kvalifikasjonar, nærleik til rettsstaden og at ein er personleg eigna. Det blir òg lagt vekt på at søkjaren har kontorstad i rettskrinsen. Mest mogleg jamvekt mellom menn og kvinner blir vektlagt.
Generelle opplysingar
Spørsmål til verva kan rettast til Hordaland tingrett ved sorenskrivar Håkon Rastum, telefon 55 69 99 10.
Send søknad med CV, vitnemål og attestar gjennom www.jobbnorge.no. Alle attestar og vitnemål må skannast og leggjast ved i eit elektronisk vedlegg.
Søknadsfrist: 23.08.2023.
Om oss
Hordaland tingrett har 40 dømmande årsverk medrekna domstolleiar, og ei samla bemanning på om lag 86 årsverk. Hordaland tingrett har to fast bemanna rettsstadar, rettsstad Bergen i Bergen tinghus og rettsstad Lofthus med rettslokale i Odda, Lofthus og Norheimsund.
Dei dømmande oppgåvene til domstolen er i hovudsak å avgjera straffesaker og å løysa sivile tvistar.
Rettsstad Lofthus omfattar kommunane Eidfjord, Kvam, Ullensvang og Ulvik. Rettsstad Bergen omfattar kommunane Alver, Askøy, Austevoll, Austrheim, Bergen, Bjørnafjorden, Fedje, Masfjorden, Modalen, Osterøy, Samnanger, Vaksdal, Øygarden og Voss herad.
Hordaland tingrett er den nest største tingretten i Noreg.
