Det er ledig ett verv som fast forsvarar hjå Møre og Romsdal tingrett/Frostating lagmannsrett. Vervet er knytt til rettsstad Volda. Det må imidlertid påreknast å gjere teneste i heile rettskrinsen. Vervet omfattar oppdrag for begge rettsinstansane. Snarleg tiltreding.
Vervet er personleg og medfører plikt til å verte inkludert i turnusordninga for faste forsvararar hjå tingrett/lagmannsrett, også i ferieperioder.
Oppnemninga som fast forsvarar skjer på åremål for ein periode på 6 år med høve til gjenoppnemning. Gjenoppnemning ut over ein periode kan berre skje når særlege grunnar tilsei det. For vervet gjeld ein gjensidig oppseiingsfrist på 3 månader. Øvre aldersgrense for faste forsvararar er 70 år.
Ved valet av fast forsvarar vert det lagt vekt på relevant praksis, faglege kvalifikasjonar og personlege eigenskapar. Det vert også lagt vekt på om søkarane har kontorstad i rettskrinsen. Innanfor nemnde rammer vil også omsynet til kjønnsbalanse verte vurdert.
Spørsmål vedkomande vervet kan rettast til Møre og Romsdal tingrett ved nestleiar Øyvind Panzer Iversen på telefon 70 33 47 00, eller til Frostating lagmannsrett ved førstelagmann Hilde Vibeke Enger på telefon 73 54 24 60.
Søknad med CV, vitnemål og attestar sendast innan 22.05.2024 til Møre og Romsdal tingrett, PB 1354 Sentrum, 6001 Ålesund eller på epost [email protected]
