Det er ledig verv som fast forsvarar ved Sogn og Fjordane tingrett og Gulating lagmannsrett. Vervet er personleg, og antaking skjer på åremål for 6 år med høve til gjenoppnemning. Gjenoppnemning utover ein periode kan berre skje når særlege grunnar tilseier det. For vervet gjeld ein gjensidig oppseiingsfrist på 3 månader. Øvre aldersgrense er 70 år.
Det er ynskjeleg med ei geografisk fordeling av verva då tingretten irettefører saker på tre rettsstadar. Vervet som fast forsvarar er knytt til rettsstad Førde. Den som vert tildelt vervet vert fast forsvarar for heile Sogn og Fjordane tingrett sin rettskrins.
Den faste forsvararen må pårekne å bli oppnemnd som prosessfullmektig i saker om pågriping og internering etter utlendingslova.
Kvalifikasjonskrav
Det blir lagt vekt på faglege kvalifikasjonar, relevant praksis, at søkaren har kontorstad på rettsstaden og er personleg skikka. Mest mogleg jamn fordeling av verva mellom kvinner og menn blir også vektlagt.
Spørsmål om vervet
Spørsmål om vervet kan rettast til sorenskrivar Knut Broberg på telefon 55 69 43 00. Du kan lese meir om prosessen på Forsvarer | Norges domstoler. Her finn du og Domstoladministrasjonen sitt praksisnotat for oppnemning av faste forsvararar og støtteadvokatar.
Om søknadsprosessen
Søknad med CV, vitnemål og attestar kan sendast via denne sida: (Søk her). Alle attestar og vitnemål skal skannast samla og leggast ved som eitt elektronisk vedlegg.
Spørsmål om stillingen
Sorenskrivar Knut Broberg, tlf +4755694300 eller [email protected]
